Қазгидромет ауа райына байланысты ескерту жасады

«Қазгидромет» РМК бүгін, 16 наурызда еліміздің 13 өңірінде дауылды ескерту жариялады, деп хабарлайды turkystan.kz.

Синоптиктердің болжамынша, өңірлерде тұман, көктайғақ, қар және желдің екпіні жоғары болады.

Астана: түнде және таңертең тұман күтіледі.

Батыс өңірлер: Ақтөбе, Батыс Қазақстан, Қостанай облыстарында тұман; кей жерлерде көктайғақ. Жел 15-20 м/с.

Солтүстік және орталық өңірлер: Ақмола, Шығыс Қазақстан, Павлодар облыстарында тұман, кей жерлерде қар және боран.

Оңтүстік өңірлер: Жамбыл, Түркістан, Қызылорда облыстарында тұман, кей таулы аудандарда жел 15-23 м/с.

Маңғыстау облысы: шаңды дауыл, жел 15-23 м/с.

Синоптиктер жүргізушілер мен жаяу жүргіншілерге абай болуға, жолдарда көктайғаққа дайын болуға шақырады.

Фото: Нұрболат Нұржаубай