Алаяқтар сіздің атыңыздан кредит рәсімдеп жібермеуі үшін не істеу керек: мамандар кеңесі

Қазақстан Қаржы нарығын реттеу және дамыту агенттігі кредиттік алаяқтықтан қорғанудың жолдарын еске салды, деп хабарлайды KAZ.NUR.KZ.

Қаржы нарығын реттеу және дамыту агенттігінің мамандары кредиттік алаяқтықтан қорғану үшін мынадай шаралар қабылдау қажет екенін еске салады:

eGov.kz порталында, eGov mobile қосымшасында немесе кредиттік бюро арқылы "Stop кредит" қызметін қосыңыз. Бұл сіздің атыңызға кредит алу мүмкіндігін бақылауға мүмкіндік береді.

Кодтарыңызды құпияда сақтаңыз. Қоңырау шалушы адам өзін банк, қауіпсіздік қызметі немесе мемлекеттік органдардың қызметкері деп таныстырса да, ешқашан және ешкімге SMS-кодтарды, PIN-кодтарды, бір реттік парольдерді (OTP) немесе Secure-кодтарды бермеңіз.

Бейтаныс адамдардың өтініші бойынша өзіңіздің телефоныңызға немесе компьютеріңізге қашықтан қол жеткізу бағдарламаларын орнатпаңыз.

SMS, мессенджерлер немесе жарнамалық хабарландыруларда көрсетілген күмәнді сілтемелер бойынша өтпеңіз.

Онлайн банкингке және басқа да маңызды сервистерге кіру үшін екі факторлы аутентификацияны пайдаланыңыз.

Кредиттік бюроларда өзіңізді кредиттік есебіңізді үнемі тексеріп отырыңыз – бұл рұқсат етілмеген қарыздарды уақтылы анықтауға көмектеседі.

"Осы нұсқауларды орындау арқылы сіз кредиттік алаяқтықтың құрбаны болу тәуекелін айтарлықтай азайтасыз", - дейді Қаржы нарығын реттеу және дамыту агенттігінің өкілдері.

Фото: Нұрболат Нұржаубай