2024 жылы ел азаматтарына 3,7 трлн теңге зейнетақы төленді

2024 жылы республикалық бюджеттен 3 трлн 752,1 млрд теңге сомасына зейнетақы төленген. Оның 1 трлн 182,3 млрд теңгесі базалық зейнетақы төлеуге, 2 трлн 569,8 млрд теңгесі ынтымақты зейнетақы төлеуге жұмсалды, деп хабарлайды Egemen.kz Еңбек және халықты әлеуметтік қорғау министрлігінің баспасөз қызметіне сілтеме жасап.

«2024 жылғы желтоқсанда жиынтық зейнетақының орташа мөлшері 131 356 теңгені құрады, оның ішінде ынтымақты зейнетақы мөлшері – 88 819 теңге, базалық зейнетақы – 42 537 теңге», делінген хабарламада.

Айта кетейік, 2025 жылғы 1 қаңтардағы жағдай бойынша еліміздегі зейнеткерлер саны – 2 млн 451 мың адам құрады.

Фото: Нұрболат Нұржаубай