Қазақстанда түнгі уақытта тыныштық бұзғандардың жазасы күшейеді

Қазақстанда тыныштық бұзып, көңіл көтеретін орындардың иелеріне қатысты қолданылатын жаза күшейтіледі, деп хабарлайды tengrinews.kz
Депутаттар Әкімшілік құқықбұзушылық туралы кодекстің 437-бабын былай деп өзгертуді ұсынады: түнгі уақытта сағат 23.00-ден таңғы 6.00-ге дейін тыныштық бұзғандарға 5 АЕК мөлшерінде (12 625 теңге) айыппұл салынады. Шағын кәсіпкерлік пен коммерциялық емес ұйымдардың иелеріне 20 АЕК (50 500 теңге), орта кәсіпкерлік өкілдеріне 30 АЕК (75 750 теңге), ірі кәсіпкерлік өкілдеріне 100 АЕК мөлшерінде (252 500 теңге) айыппұл міндеттеледі.
"Сондай-ақ, бұл ережелерді бір жыл ішінде қайталап бұзған жеке тұлғаларға 10 АЕК (25 250 теңге), шағын кәсіпкерлік пен коммерциялық емес ұйымдардың иелеріне 40 АЕК (101 000 теңге), орта кәсіпкерлік өкілдеріне 60 АЕК (151 500 теңге), ірі кәсіпкерлік өкілдеріне 150 АЕК мөлшерінде (378 750 теңге) айыппұл міндеттеледі", - деді Сенаттағылар.