Толқын Арал аудандық қоғамдық-саяси газет
» » Қазақ әйелі 58 жасында алғаш рет балалы болды

Қазақ әйелі 58 жасында алғаш рет балалы болды

Оралхан Байзакова алғаш рет 58 жасында балалы болды. Бұған дейін ол бірнеше рет түсік тастап бала сүйе алмаған. Байзакованың жолдасы 55 жасында көз жұмған. Ол кезде әйел балалы болу арманының орындалмайтынын түсінген. Бірақ кейін бәрі басқаша болды.
“Күйеуге шыққан соң үш рет түсік тастадым. Үш рет ЭКО жасатпақ болдым. Нәтиже болған жоқ. Кейін күйеуім қайтыс болды. Балалар үйінен бала асырауға рұқсат берілген жоқ. Тағы да ЭКО жасатпақ болдым. Сол кезде медбикелер маған қарап күлгені есімде.
“Сіз қалай босанасыз? Сізге болмайды” деді.
Осыдан соң Райымбек бабаның басына бардым. Ол жерде  2 жасар бала жүгіріп жүрді. Бір кезде менің қолымнан келіп ұстады. Мұны бақылап тұрған белгісіз кісі “Не тіледің? Райымбек ата тілегіңізді қабыл етті”деді. “Сен балалы боласың, күмәнің болмасын” деді.
Осыдан соң оның айтуы бойынша, барлық киелі жерді араладым.
56 жасымда ЭКО жасатам деп шештім. Осылайша балалы болдым. Әдетте ЭКО-ны 40 жасқа дейін жасайды. Мен 58 жасымда қызды болдым. Бұрын қатал адам едім, ана болғалы мінезім жұмсақ.
Stan.kz
30 қазан 2018 ж. 717 0