Қар және тұман. Қазақстанда алдағы күндері ауа райы қандай болады?
Синоптиктер 8-10 қарашаға арналған ауа райы болжамын ұсынды, - деп хабарлайды Tengrinews.kz тілшісі.Болжамға сәйкес, атмосфералық фронттар апта басында ауа райының тұрақсыз сипатын анықтайды: жауын-шашын күтіледі, қар жауады. Тек оңтүстік өңірлерде жаңбыр мен қар түрінде, 8 қарашада шығыстың жекелеген аудандарында, Қазақстанның оңтүстігі мен оңтүстік-шығысының таулы және тау бөктерінде қатты жауын-шашын күтіледі.
"Түнгі және таңертеңгі сағаттарда тұман, көктайғақ, солтүстік жартысында жаяу бұрқасын болады деп болжанады. Республика бойынша температуралық фонда күрт өзгерістер күтілмейді", - делінген хабарламада.
