28 сәуірге арналған ауа райы болжамы

Алдағы күні қатты жауын-шашын болып, ауа температурасы күрт төмендейтіні, күннің суытатыны болжанады. Бұл туралы BAQ.KZ "Қазгидромет"-ке сілтеме жасап хабарлайды.

Болжамға сәйкес, атмосфералық фронтальды бөліктердің жүруіне байланысты Қазақстанның солтүстік және оңтүстік өңірлерінде ауа райының тұрақсыз сипаты күтіледі: найзағай ойнап, жаңбыр жауады, оңтүстік, оңтүстік-шығыс өңірдің таулы аймақтарында жаңбыр мен қар түрінде қатты жауын-шашын болады.

    Еліміздің батысына, шығысында, орталығында антициклон әсерінен жауын-шашынсыз ауа райы күтіледі. Республикамыз бойынша желдің күш алу сипаты басым, еліміздің оңтүстігінде, оңтүстік-шығысында бұршақ түседі, оңтүстігінде шаңды дауыл тұрады, оңтүстік-шығысында тұман болады деп болжанады. Түнде Жамбыл облысының шығысында, таулы аудандарында -2°С суық болады деп күтіледі, - деп жазды"Қазгидромет" РМК баспасөз қызметі.

Сондай-ақ, синоптиктер Маңғыстау облысының басым бөлігінде, Қызылорда қаласының орталығында және оңтүстігінде, Түркістан облысының солтүстігінде, Атырау облысының оңтүстігінде, Жетісу облысының солтүстігінде, Абай облысының оңтүстігінде, Қарағанды облысының оңтүстігінде өрт қаупі жоғары болатынын ескертеді.

Фото: kaz.tengrinews.kz