Қазақстандық бүркітші Әлем чемпионатында күміс жүлдеге ие болды

Моңғолияның астанасы Ұланбатырда 6-8 наурыз күндері құсбегіліктен II Әлем чемпионаты өтті. Дүбірлі додаға 10 мемлекеттен 30-дан астам құсбегі қатысты, деп хабарлайды BAQ.KZ Абай облысы әкімдігіне сілтеме жасап.

Қазақстан құрамасының намысын 3 спортшы қорғады, оның ішінде Абай облысының тумасы, Үржар ауданының бүркітшісі Ерзат Байқадамов жоғары нәтиже көрсетіп, күміс жүлдені иеленді.

Жарыс қорытындысы:

1-орын – Серік Жеңісбек (Моңғолия)

2-орын – Ерзат Байқадамов (Қазақстан)

3-орын – Бүркітхан Хайзым (Моңғолия)

Фото: Абай облысы әкімдігі