Ұрлық жасады: Төреғали италиялық әншінің әнін плагиат жасады деп айыпталды
Танымал әнші Төреғали Төрәлі тағы да плагиат әнімен айыпталды. Қит етсе хит болатын Төреғали, кезекті даудың қақ ортасында. Бұл жолы әншінің су жаңа жұмысы көшірме клиптердің тізімін толықтырған. Италиялық әншінің әуенін алып, жаңа туындыны халыққа ұсынған ол сынның астында қалды.Ал өнер иесінің сахнадағы әріптесі Әли Оқапов шетелдік туындыларға жиендік жасап жүрген өнер иелерін түсінбейтінін айтты."Олардан сатып алу, құқық алу, рұқсат алу бір бөлек. Ал ешкімге айтпай, ескертпей, қазақшаға аудара салып, өз әнім деп хитке айналдырса жауапкершілігі дұрыс емес", - дейді Әли Оқапов.
