"Тәрбиелі қыз болдым": Байзақова жігіті тастап кеткеннен кейін қатты өзгергенін айтты
Атышулы ару неге өмірінің өзгеріп кеткені туралы айтып, ағынан жарылды. Байзақованың өміріндегі бір жағдай бүкіл ғұмырына әсер еткен. 18 жасында тұрмысқа шығатын кезде, жігіті тастап кеткен көрінеді. Жақсы қыз болып жүрсең де, ер адамдарға жақпайсың деп есептейді ол. Байзақова тіпті ұзын киім кигенін де жасырмады. "Оған дейін мен мүлдем басқа адам болдым. Менің өмірімде қиын кезең болды. Сен өте жақсы қызсың, үйде отырасың, сол жігітке күйеуге шыққың келеді, жабық киінесің, тіпті паранжа сияқты киім киіп жүресің де, нәтижесінде той болмай қалады. Негізі сен жақсы қызсың, қандай мәселе бар деп ойлайсың. Бүгінгі еркектерге жаман қыздар ұнаса, сен сондай жаман қыз болуға тырысасың", - дейді Айжан Байзақова.Ойламаған жерден өмірге көзқарасы өзгеріп кеткен Байзақова сол оқиғадан кейін, ер адамның керек емес екенін, тұрмысқа шығудың маңызды болмайтынын түсінген сыңайлы. Артынша жаман әдеттерге әуес болып, өмірдің рахатын сезінгім келді дейді ол.
"Мен не үшін күресуім керек. Бұның бәрі бітті. Жарты жылдай уақыт бойы күйеуге шығудың қажеті жоқ екенін сезінген сәттер болды. Маған ер адам керек жоқ, өзім өмірдің рахатын көріп, алдыға жылжуым керек екенін түсіндім. Содан кейін, суреттер, темекі, клуб, ішімдік өміріме еніп кетті. Содан кейін мен оны желіде бөлісе бастадым", - дейді Айжан Байзақова.
