"Өзім, өзім, өзім": Мөлдір Әуелбекова өкінішін жеткізді
Мөлдір Әуелбекова өмір бойы барлық нәрсені өзі шешіп, тек өзіне сеніп үйреніп қалғанын айтып, өкініш білдірді. Жанында қолдау көрсететін адамның болғанын қалайтынын жасырмады ол. Алайда, қанша жерден өкініш білдірсе де, екінші жартысын таппағанын айтып ақталды. "Мен өмір бойы өзім, өзім, өзім. Маған ешкім ешқашан көмектескен емес. Ол солай қалып қойған. Қалып та қоя беретін шығар деп ойлағым келмейді. Қасымда сондай бір ер азамат болса екен деп тілеймін. Енді бірақ, әзірге маған бұйырмапты. Сол баяғы өзім", - деп өкінді Мөлдір Әуелбекова.Сонымен қатар, өнер иесі алдағы жоспарымен бөлісті. Ән сапар жасап, үлкен кеш беру де Әуелбекованың ойында бар. Алайда, қаражат жағына келгенде мүмкіндігі болмай жатқан көрінеді. Мүмкін Мөлдір Әуелбековаға шынымен де қолдау көрсететін адам керек болып жүрген шығар.
"Былтыр барлық Қазақстанды аралап, ауыл-аймақтарға барып шықтық. Бір жылым іс-сапарға кетті. Үлкен концертті Астанада бердім. Биыл тамыз айынан бастап, үлкен қалаларда концерт беремін. Қорытынды кеш Алматыда болады. Бірақ Алматыға қиындау болып тұр. Бәрі қаражатқа тіреледі. Оркестрмен айтқым келеді. Жастардың да көңілінен шығу керек. Сондықтан көп қаражат талап етіп тұр", - дейді өнер иесі.
