"Айдың сәулесі": Жұлдыз Өмірғали қызының атын түсіндіріп берді
Кеше ғана перзентханадан шыққан Жұлдыз Өмірғали желідегі парақшасына қызының аты қандай мағына беретінін туралы жазба қалдырған. Кішкентай аяның туған уақытын, салмағы мен бой өлшемін де жазуды ұмытпапты ол. "Аллаға шүкір! Қызымыз 22 маусымда, 05.15-те дүниеге келді. Салмағы - 2кг 480гр, бойы - 48см. Есімін Айя деп қойдық. Әкесі мен атасының ойы бір жерден шықты. Арабша ерекше, көркем, ғажап деген мағынаны берсе, құранда кішкентай тақпақ, ал түрік тілінде ауа және айдың сәулесі деген ұғымдармен астасады", - деп жазды Жұлдыз Өмірғали. Айқынның келіншегі осылайша қызы туралы қысқаша ақпаратпен бөліскен. Сонымен қатар, ақ тілектерін білдіріп, қуанышына ортақтасқан жұртқа алғысын айтуды ұмытпады.
"Жағдаймыз қазір жаман емес, үйдеміз. Барлық жақсы тілектеріңіз үшін алғысымды білдіремін. Бақытты болыңыздар, мен сіздерді Жақсы көремін!" - деп жазды әнші.
