"Естіп, жылап жібердім": Талдықорғандық әйел Тоқаевтың несиелік қарыздарды жабуға қатысты жарлығы туралы

Талдықорған қаласының тұрғыны Айгерім Жоламанова президент Қасым-Жомарт Тоқаевтың көпбалалы аналар мен мүгедек бала өсіріп отырған отбасылардың несиелік қарызын жабу туралы жарлыққа қол қоюын батыл қадам деп бағалады. Ол мұндай хабарды естігенде жылап жібергенін айтты,

«Ұлымның емі үшін банктен 1 млн теңге қарыз алдым. Бір жыл төледім. Әрі қарай шамам жетпеді. Қазір банктің «қара тізіміндемін». Қатты қиналдым. Президенттің көпбалалы аналар мен мүгедек бала өсіріп отырған отбасылардың несиелік қарызын жабу туралы жарлыққа қол қойғанын естіп, қуаныштан жылап жібердім. Бұл біз сияқты қиын жағдайда қалған адамдар үшін үлкен көмек. Осы несие үшін тапқан ақшамыздың бәрінен айырыламыз. Тапқанымыздың бәрін қарызды өтеу үшін берудеміз. Егер несиелік қарызды жапса, бұл көптеген отбасы үшін үлкен көмек болар еді. Президент халықты алаңдатқан мәселемен айналысқаны үшін алғыс білдіремін», - дейді Айгерім Жоламанова. 
Айгерим Жоламанова 7 жыл көлемінде үй кезегінде тұрған. Алайда осы жылдар бойы кезегі 132 адамға ғана жылжығанына қапалы. 
«Пәтер кезегінде 666-ншы болып тұрдым. Жеті жыл ішінде 534-орынға жылжыдым. Қашан үй алатынымды білмеймін. Алайда үміт үзбеймін», - дейді 37 жастағы әйел.

https://stan.kz