"Жақындай алмайтын": Тамара Асар өзін ұнатқан жігіттер туралы айтып берді
Білімі мен сұлулығы бір-біріне үйлесіп, жарасымдылық тапқан Тамара Асар мектеп кезінде тәрбиемнің арқасында жаныма бір жігіт жолай алмайтын деп ағынан жарылды. Сырттай өзіне ғашық болып жүрген адамдардың әншіге сезімін білдіруге батылы жетпеген көрінеді."Шынын айтқанда маған ғашық болған балалар болды. Бірақ менің есімде ешбірі қалмапты. Мені ұнатқан балалар маған жақындай алмайтын. Бетін қайтарған жоқпын. Ешқайсысы маған жақындаған емес. Қорқатын, ыңғайсызданатын. Мүмкін тәртібім, сабағым жақсы болды ма білмедім", - дейді Тамара Асар.Оқушы кезінде тәртіпті қыз болған өнер иесі тіпті мектеп бітіру кешіне көйлегін өзі тігіп алған көрінеді. Киім өлшемі кішкентай болғандықтан біреуден киім сұрап киудің өзі қиын болатын дейді ол.
"Мектеп бітіру кеші өте ерекше кеш. Себебі қобалжисыз, үлкен өмірге аттануға дайындаласыз. Қоштасу кешіне не кием деп қобалжыған кезде жеңгелерімнен, әпкелерімнен іздедім. Бірақ, анам мата тауып беріп, содан өзім тігіп кидім", - дейді өнер иесі.
