Толқын Арал аудандық қоғамдық-саяси газет
» » Головкин мен Канело арасындағы үшінші жекпе-жек қайда өтетіні белгілі болды

Головкин мен Канело арасындағы үшінші жекпе-жек қайда өтетіні белгілі болды

Белгілі промоутер Эдди Хирн қазақстандық боксшы Геннадий Головкин мен мексикалық "Канело" Альварес арасындағы көптен күткен үшінші жекпе-жектің өтетін орнын атады, деп хабарлайды Stan.kz Ақпарат агенттігі.

Екі боксшы арасындағы жекпе-жек АҚШ-тың Лас-Вегас қаласындағы T-Mobile Arena-да өтетін болды.

Айта кетсек, Головкин мен Альварестің алдыңғы екі жекпе-жегі де дәл осы жерде өткен болатын. Ол кездесулердің біріншісі тең нәтижемен аяқталса, екіншісінде төрешілердің шешімімен "Канелоның" бағы жанған.

Қазақстандық GGG мен мексикалық шаршы алаң шебері "Канело" арасындағы үшінші жекпе-жектің болатыны туралы Сауль Альварес 23 мамырда ресми хабарланған еді. Келесі күні бұл ақпаратты Геннадий Головкиннің өзі растады.

Атышулы "трилогия" осы жылдың 17 қыркүйегінде өтпек.
22 маусым 2022 ж. 214 0