"Суперменнің секіруі" америкалық желаяққа жеңіс әкелді
АҚШ-тың желаяғы Инфинит Таккер Американың Фейетвилде өткен SEC Outdoor Track & Field Championships турнирінде кедергімен 400 метр қашықтыққа жүгіруде жеңіске жету үшін өзгеше айла тапқан.Жүгіру кезінде Таккер бірінші болып келе жатқан, бірақ мәре сызығына жақындаған кезде оның отандасы Роберт Грант қуып жетті. Осы кезде Таккер мәре сызығына жүгіріп емес, секіріп жетіп, турнирдің жеңімпазы атанды. Турнирдің ұйымдастырушылары оның бұл әдісін "суперменнің секіруі" деп атады.
