Аралдық жас кәсіпкер "KYZYLORDA BUSINESS HUB" жобасының жеңімпазы атанды

Қызылорда облыстық жастар саясаты мəселелері басқармасының əлеуметтік жобасы аясында 2020 жылдың сəуір айынан бастап кəсіпкерлік саланы дамыту мен бизнес əлеуетті арттыру мақсатында жастарға арналған "Kyzylorda Business Hub" облыстық Start Up жобалар байқауы ұйымдастырылған болатын.

Байқау 4 кезең бойынша өткізілді:

І. Аймақтық үйлестірушілерді дайындау

ІI. Start Up Weekend. Іріктеу кезеңі

ІІІ."Kbh school" кезеңі

IV.Final.

15 -17 қазан аралығында облыстық "Жастар ресурстық орталығының" ғимаратында өткізілген финалдық кезеңге ауданымыздан жолдама алған 3 қатысушы инвесторлардың алдында өз start up жобаларын қорғап, аралдық жас кəсіпкер Нағашыбаев Əсет Темірханұлы жиналмалы ас столдарын жасау жобасымен 250 мың теңгелік грантты жеңіп алды.

Арал ауданы әкімдігінің баспасөз қызметі.