Басқарма мамандары вакцина салдырды

 tolqyn.kz  Арал ауданы бойынша коронавирус инфекциясының алдын алу үшін ерікті түрде вакцинациялау науқаны басталды. Коронавирус инфекциясына қарсы ресейлік "Спутник V" вакцинасының ауданға 210 дозасы жеткізілген. Ал қалған дозалары кезең-кезеңімен жеткізілетін болады.

Бүгін, Арал аудандық санитариялық-эпидемиологиялық бақылау басқармасының басшысы Сатекеева Ақзия Қасымқызы бастап, басқарма мамандары коронавирусқа қарсы вакцинаны алғашқылардың бірі болып салдырды.
Барлық ерікті түрде екпе салдырушылар екпе егу алдында дәрігерге тексеріліп, вакцинаға қарсы көрсетілім жоқ екені анықталған соң барып, вакцина салдырды. Екпеден соң күту залында 30 минут дәрігердің бақылауында болды. Сонымен бірге дәрігерлер вакциналаудан кейін ұстану керек сақтық шараларын түсіндірді.