Көпсалалы колледж қызметкерлері референдумды қолдайды

Елімізде Мемлекет басшысының бастамасымен ауқымы және саяси-әлеуметтік жағынан маңызы зор аса ауқымды өзгерістер орын алуда. Соның ішіндегі ең негізгісі ол – референдум. Бұл дегеніміз біздің Ата-заңымыздың құқықтық заңдық негізде бекуіне септеседі. Сонымен қатар әлеуметтің әлеуетін арттырып, дамыған елге жол бастайтын тың жаңашылдық болғалы тұр.

Өздеріңіз білетіндей Қазақстан демократиялы, қарыштап дамыған, әр салада үлкен жетістіктерге жеткен алпауыт мемлекетке айналуды бәріміз көздейміз. Сол бағытта атқарылып жатқан шаруаларда аз емес. Өткізіліп жатқан талқылаулар мен кездесулер соның айқын дәлелі.

Осы орайда бүгін референдумды қолдауға арналған «AMANAT» партиясы Қызылорда облыстық филиалы жанындағы штабтың мүшесі ретінде Арал көпсалалы колледжінің ұжымымен кездесу өткізілді.

Ондағы басты мақсатымыз — жалпыұлттық референдумді өткізу тәртібі, оның халық үшін маңызы, орын алатын өзгерістер жайында таныстыру және жұртшылықтың пікірін, ұсыныстарына назар салу.

Жиын барысында колледж ұжымы еліміздің болашағы үшін жасалып отырған қадамды қолдайтындарын айтып, сәттілік тіледі.