Толқын Tolqyn.kz ақпараттық агенттігі
» » Данияр Ақышев Президент кеңесшісі болып тағайындалды

Данияр Ақышев Президент кеңесшісі болып тағайындалды

Мемлекет басшысының Өкімімен ҚР Ұлттық Банкінің бұрынғы төрағасы жаңа қызметке тағайындалды.

"Данияр Талғатұлы Ақышев Қазақстан Республикасы Президентінің кеңесшісі қызметіне", - делінген хабарламада.
Данияр Талғатұлы Ақышев 1976 жылғы 25 мамырда дүниеге келген.
Туған жері: Алматы қаласы

Білімі: 1996 жылы Қазақ Мемлекеттік Басқару академиясын экономист мамандығы бойынша үздік аяқтады (мамандануы – банк ісін ұйымдастыру).

Еңбек жолын Орталық Азия қор биржасында маман ретінде бастады.

1996 – 2003 жылдар аралығындағы кезеңде Қазақстан Республикасы Ұлттық Банкінің Зерттеу және статистика департаментінде түрлі лауазымдар атқарды, 2003 – 2007 жылдар аралығында осы Департаментті басқарды.

2007 жылғы тамызда Қазақстан Республикасы Президентінің Өкімімен Қазақстан Республикасының Ұлттық Банкі Төрағасының орынбасары лауазымына тағайындалды.

2014 жылғы тамыз – 2015 жылғы тамыз аралығында Қазақстан Республикасы Президенті Әкімшілігінің Әлеуметтік-экономикалық мониторинг бөлімінің меңгерушісі лауазымын, 2015 жылғы тамыз – 2015 жылғы қараша аралығында сондай-ақ Қазақстан Республикасы Президенті көмекшісінің міндеттерін уақытша атқарушы болды.

Қазақстан Республикасы Президентінің 2015 жылғы 2 қарашадағы № 109 Жарлығымен Д.Т. Ақышев Қазақстан Республикасы Ұлттық Банкінің Төрағасы болып тағайындалды.

2019 жылдың 25 ақпанында Елбасы Нұрсұлтан Назарбаевтың Жарлығымен Қазақстан Республикасы Ұлттық Банкінің Төрағалығынан босатылды
baq.kz
28 ақпан 2019 ж. 1 364 0