Толқын Tolqyn.kz ақпараттық агенттігі
» » Қызылордада жұмысшы қыз-келіншектер фестивалі өтті

Қызылордада жұмысшы қыз-келіншектер фестивалі өтті

Тұңғыш рет өткізілген шара аймақтағы жұмысшы қыз-келіншектердің кәсібилігін танытуды көздеп отыр, деп жазады Egemen.kz.

Қарапайым адамдардың адал еңбегі мен жетістігін дәріптеген шара Шиелі ауданынан бастау алып, Сырдария ауданында түйінделді.

Әр ауданнан алуан түрлі мамандық иелері қатысып, 12 қатысушы үздік деп танылды. Қорытынды іс-шарада облыстық мәдениет, архивтер және құжаттама басқармасының басшысы Мира Қазбекова ару-аналарды мерекемен құттықтап, жылы лебізін арнады. Жүзден жүйрік шыққан үздік 12 қатысушыға облыс әкімінің орынбасары Шахмардан Баймановтың алғыс хаты табысталды.

Фестивалді қорытындылаған кеште Қазақстанның Еңбек Ері Абзал Ерәлиев пен үш дүркін «Алтын домбыра» иегері Мұхтар Ниязов әйел затының қоғамдағы рөлі турасында әңгімеледі. Ұйымдастырушылардың айтуынша фестиваль жыл сайын жалғасып, дәстүрлі іс-шараға айналады.
Мұрат ЖЕТПІСБАЕВ

Ақпарат көзі: egemen.kz
04 наурыз 2025 ж. 141 0