Қазақстандық дәрігер коронавирус індеті қашан тоқтайтынын айтты
Коронавирус эпидемиясы қазақстандықтардың барлығы дерлік ауырып шыққаннан кейін тоқтайды. Жоғары санаттағы дәрігер, инфекционист, медицина ғылымдарының докторы Ғалия Жұманбаева nv.kz басылымына берген сұқбатында осындай болжам жасады.Дәрігердің пікірінше, індеттен құтылу үшін ұжымдық иммунитет 70%-ке жетуі тиіс.
Дәрігер адамды вирустан не қорғайтынын айтты.«Эпидемия ұжымдық иммунитет 70%-ке жеткенде, яғни халықтың барлығы дерлік ауырып шыққаннан соң тоқтайды. Бірақ, иммунитет бәрінде бірдей қалыптаспайды, мықты емес әрі ұзаққа созылмайды. Оның үстіне құрамында РНК бар вирустың мутацияларына бейімделіп үлгермеуі мүмкін. Осының барлығын ескеру қажет. Сол себепті шамамен үш айдан кейін азаматтар қайтадан ауыруы мүмкін, тиісінше, жаңа карантин жарияланады. Өйткені иммунитет орта есеппен 3 айға ғана сақталады», – деді Жұманбаева.
Осы орайда Жұманбаева коронавирус белгілері байқалатын пациенттерге кеңес берді.«Вирустан ең тиімді қорғаныш — біздің иммунитетіміз. Маска — даулы тақырып. Мен көшеде бетпердесіз жүруге болады деп санаймын. Ал жабық кеңістікте, әрине, кию қажет», – деді инфекционист.
«Босқа отырмай, тез әрі интенсивті емделу қажет, вирустан үш қадам алда жүрген дұрыс. Пневмония кезінде дене қызуы, жөтел, қандай да бір ауру болмауы мүмкін. Ал компьютерлік томография өкпенің 60 пайызы зақымдалғанын көрсетіп жатады. Сондықтан барлық кешенді ем шараларын қабылдау керек», -деді дәрігер.
