Қытайдың ең бай адамдарының бірі 50 жасында қайтыс болды
Қытайда KE Holdings жылжымайтын мүлік компаниясының негізін қалаушы және басшысы Цзо Хуэй қайтыс болды, - деп хабарлайды РБК.Қытайдың ең бай 15 адамның қатарына кіретін кәсіпкер 20 мамырда "ауруының асқынуына" байланысты қайтыс болған. Ол 50 жаста еді.
Цзо 1971 жылы Шэньси провинциясында дүниеге келген. 1992 жылы Бейжің химия-технологиялық университетін бітірген.
Қытайлық БАҚ деректеріне сүйенсек, ол сақтандыру бизнесінде алғашқы табысын тауып, кейін 2001 жылы алғашқы жылжымайтын мүлік компаниясы Beijing Lianjia Real Estate Brokerage құрған. 2018 жылы Хуэй KE Holdings құрып, Қытайдағы Beike тұрғын үй мәмілелері мен қызметтері үшін ең ірі платформаны іске қосып, елдің ең ықпалды бизнесмендерінің бірі болды.
kaz.tengrinews.kz
