Егер 2021 жылдың аяғына дейін әр ел халқының 40%-ы коронавирусқа қарсы вакцина алса, онда әлем пандемияны тоқтата алады. Мұндай болжамды Дүниежүзілік денсаулық сақтау ұйымының басшысы  Тедрос Аданом Гебрейесус Токиода Халықаралық Олимпиада комитетінің 138-ші сессиясында сөйлеген сөзінде айтты.

Халықаралық валюта қорымен, Дүниежүзілік банкпен және Дүниежүзілік сауда ұйымымен бірге осы жылдың қыркүйегіне дейін әр ел халқының кем дегенде 10%-ын, осы жылдың соңына дейін халықтың 40%-ын және келесі жылдың ортасына қарай 70%-ын вакцинациялауға шақырдық. Егер біз осы көрсеткіштерге қол жеткізе алсақ, біз пандемияны тоқтатып қана қоймай, әлемдік экономиканы қайта қалпына келтіре аламыз, - деді Гебрейесус.

Түрі көп болған сайын, вакцинаның күші бәріне жетпеуі де мүмкін. Нәтижесінде біз пандемияның бастапқы кезіне қайта оралуымыз мүмкін. Пандемия – бұл әлем әлі жеңбеген сынақ, – деп айтты ол.