"Барлығымыз балалар мектепке барғанын қалаймыз" - ДДҰ басшысы
Дүниежүзілік денсаулық сақтау ұйымының бас директоры Тедрос Аданом Гебрейесус коронавирус пандемиясы кезінде оқушылардың білім алуына қатысты пікір білдірді, - деп хабарлайды tengrinews.kz тілшісі.ДДҰ басшысы кей елде мектептер қайта ашылғанын атап өтті."Біз барлығымыз балалардың мектепке барғанын қалаймыз және біз мектептердің олар үшін қауіпсіз және қолайлы оқу ортасы болғанын қалаймыз. Мектеп - қоғамның бір бөлігі. COVID-19 таралу қаупін азайту үшін қоғамда қабылданған шаралар мектептердегі қауіпті азайтады", - деді ол.
"Елдерді кез келген жағдайда қолдау үшін ЮНЕСКО, ЮНИСЕФ және ДДҰ кеше мектептерге қатысты денсаулық сақтау шаралары туралы жаңартылған нұсқаулық жариялады. (...) Мектептер жабық болған кезде білім беру қашықтан жүргізілуі керек", - деді Тедрос Аданом Гебрейесус.
