Грузияда далалық аурухана науқастарды қабылдай бастады

Тбилиси шетіндегі Дигоми ауданындағы далалық аурухана коронавирусқа шалдыққандарды қабылдай бастады. Бұл туралы бүгін журналистерге Грузия денсаулық сақтау вице-министрі Тамар Габуния айтты, деп хабарлайды Egemen.kz «Новости-Грузияға» сілтеме жасап.

«Кеше кешке қажеттілік туындады және далалық аурухананың жұмысы басталды. Онда тоғыз пациент орналастырылды, олардың жағдайы орташа ауырлықта, бүгіннен бастап аурухана толық қуатында жұмыс жасай бастайды», деді Габуния.

Ол далалық аурухана науқастарды уақытша орналастыруға арналғанын баса айтты. Оның айтуынша, науқастарды 2-3 күннен кейін ковидті қонақ үйге немесе ауруханаға ауыстыруға тура келеді.

«Біз үшін ең бастысы – пациенттерді уақытында тұрақтандыру, содан кейін олардың ауырлығына қарай қайта өңдеу. Менің ойымша, пациенттер далалық ауруханада 2-3 күннен артық жатпауы керек», деді Габуния.

Жалпы, Дигомидегі далалық аурухана 500 адамға есептелген. Ол өкпені жасанды желдету қондырғыларымен және оттегі цистерналарымен жабдықталған. Денсаулық сақтау министрлігінің басшысы Екатерина Тикарадзенің айтуынша, орталықты жабдықтауға 150 мың лари жұмсалған.

Бұған дейін департамент далалық госпиталь тек орташа және ауыр емделушілерді қабылдайтынын хабарлаған. Сонымен қатар Тикарадзе мұнда жұмыс істейтін медициналық қызметкерлердің арнайы дайындықтан өткенін және сауатты екеніне сендірді.

Самгори аймағында тағы бір далалық аурухана құрылды, бірақ оның жұмысы әлі жоспарланған жоқ. Ұқсас нүктелер жақын арада Аджара мен Имеретиде пайда болуы мүмкін.

egemen.kz