Иран америкалық ұйымдарға санкция енгізбек

Иран өзінің санкциялар тізіміне «адам құқықтарының ауыр бұзылуына» қатысты кейбір АҚШ азаматтары мен ұйымдарын енгізеді. Бұл туралы Иран Ислам Республикасы сот жүйесінің халықаралық істер жөніндегі штабы басшысының орынбасары Казем Гарибабади айтты, деп хабарлайды Egemen.kz.

IRNA агенттігіне берген сұхбатында ол америкалық шектеулер «Иран азаматтарының негізгі құқықтарына қауіп төндіреді» деді. Ол сондықтан да қарсы жауап қажет деп санайды.

7 желтоқсан күні АҚШ-тың қаржы министрлігі Иранның жеті азаматы мен бірнеше компаниясына қолданылатын Иранға қарсы тағы бір санкциялар енгізген болатын.