Флорида штатында иммигранттар ереуілге шықты
АҚШ-тың Флорида штатында жүздеген иммигрант ереуілге шықты, деп хабарлайды Egemen.kz «Хабар 24» арнасына сілтеме жасап. Ереуілге шыққан адамдар иммигранттар туралы жаңа заңға наразылық білдіріп отыр.
Жақында штат губернаторы Рон Десантис ел аумағында визасыз жүрген мигранттардың жұмыс істеуіне тыйым салатын, сондай-ақ медициналық көмекке жүгіну мүмкіндігінен айыратын заңға қол қойды.
Айта кетсек, Флоридада ауыл шаруашылығы, құрылыс және туристік салаларда құжатсыз еңбек ететін адамдар көп.
Президент лауазымына үміткер болып тіркелген Рон Десантис өзінің сайлау бағдарламасында иммигранттар мәселесіне басымдық беріп отыр.
