102 жастағы әже ұзақ өмір сүруінің құпиясымен бөлісті
АҚШ-тың 102 жастағы тұрғыны Перл Тейлор әлеуметтік желіде ұзақ өмір сүруінің құпиясы мен ақыл-ой қабілетін сақтау үшін не істейтінін айтып берді. Бұл туралы Stan.kz ақпарат агенттігі Insider басылымына сілтеме жасап хабарлайды.Американың Огайо штатындағы Дейтон қаласында тұратын кубалық әже өзінің немересі басқаратын TikTok әлеуметтік желісінде дұрыс тамақтану және тері күтімі бойынша кеңестерімен бөлісіп отырады. Кейуана түсірген соңғы бейнелердің бірі миллионға жуық қаралым жинады.
Тейлор ұзақ өмір сүруінің басты құпиясының бірі ретінде өңделген тағамдардан бас тартуды ұсынды.
"Мен тек табиғи өнімдерді және вегетариандық тағамдарды тұтынамын. Әдеттегі америкалық таңғы асқа - папайя, банан, квиноа, зығыр және күріш ұнынан жасалған гриль құймақтарын жеймін. Түскі ас ішпеймін, бірақ кешкі асқа міндетті түрде ямайкалық күріш пен бұршақ жегенді ұнатамын", - деді қария.
Сонымен қатар, ол күн сайын нөлдік калориялы спорттық сусындарды, жарты литрлік бөтелкемен минералды су және бір кесе кофеинсіз кофе ішеді. Ал ас қорыту жүйесін тұрақты ұстау үшін пробиотик қабылдайды. Ал кешкі ас алдында Тейлор алоэ тамырынан, балдыркөктен, ақжелкеннен, зімбірден жасалған және қант қосылған сусын ішеді.
Тейлор белсенді өмір салтын ұстанып, аяғының бұлшықеттерін күшейту үшін жеңіл жаттығулар жасайды.
