Украина Ресейдің Курск облысына басып кірді

Ресейдегі Курск облысында үш күннен бері қарулы ұрыстар болып жатыр. Қазір Суджа аумағында шабуыл болды. Әскери сарапшылардың көпшілігі бұл ресейлік әскердің негізгі майдандағы позициясын әлсіретеді дейді. Себебі олар өз күштерінің бір бөлігін басқа жерге көшіруге мәжбүр болады.

6 тамызда Ресей Украинаның қарулы күштері Сумымен шектесетін Ресей Федерациясының Курск облысының Суджа және Коренев аудандарында шекараны бұзып өткенін хабарлады. Суджа ауданының аумағында Ресей Федерациясы үшін маңызды бірқатар нысандар, Ресей газының Украина арқылы транзитін қамтамасыз ететін Газпромның газ өлшеу станциясы, 330 кВ қосалқы стансасы мен телемұнарасы, сонымен қатар жабдықты жеткізу жолдары бар.

Путин Украинаны айыптап, мұны «арандатушылық» деп атады. Қазір аймақта төтенше жағдай режимі енгізілген және тұрғындар эвакуацияланды. Ресей басылымы Украина күштері 350 шаршы шақырым аумақты басып алғанын жазады. Соғысты зерттеу институты аймақтағы әскери іс-қимылдар картасын жасап, нақты қай елді мекендер екенін көрсеткен.

ISW сарапшылары украин әскері 11 елді мекенді басып алды дейді:

Николаево-Дарьино (Сум облысы шекарасынан солтүстікке қарай 1,5 шақырым);

Дарьино (Сум облысы шекарасынан солтүстікке қарай 3 шақырым);

Свердликово (Николаево-Дарьино-Дарьино облысының шығысы)

Сонымен қатар Украина қарулы күштері Любимовка аумағына кіріп, мемлекеттік шекарадан 10 шақырым жерде орналасқан 38К-030 Суджа-Кореново тас жолына өтіп жатыр дейді. Ресейлік сарапшылар «Украина қарулы күштері Суджа бақылау-өткізу бекетінде 40-тан астам ресейлік сарбазды тұтқынға алды» деп мәлімдеді.

Ресей қорғаныс министрлігінің мәлімдемесі

Ресей қорғаныс министрлігі Украина Суджаның батыс жартысын басып алды деді. Мәлімдемеге сәйкес қаланың айналасындағы жолдарды бақылауға алып, қаланың өзінде шайқас болып жатыр. Ресейлік оппозициялық Meduza басылымы «Украина қарулы күштері Кореневоға жақындады» деп жазды. Коренево Украинамен шекарадан 30 шақырым жерде орналасқан, шамамен 5 мың халқы бар елді мекен.

Ресейлік тұрғындар үздіксіз әуе шабуылы жасалғанын айтты. Түнде бұл аймақта бірнеше рет зымыран дабылы жарияланды. Курск облысының губернаторы міндетін атқарушы Алексей Смирнов әуе қорғанысы 5 зымыран мен 6 ұшқышсыз ұшақты атып түсіргенін мәлімдеді.

Ресейліктер 112 қызметіне хабарласа алмай жатқанын айтып, желінің сапасына шағымданды. Ресей қорғаныс министрлігі халықты «жаудың алға жылжуына жол бермейтініне» сендірді. Бірақ олар Суджа және Коренев аудандарында ұрыс жалғасып жатқанын мойындап отыр.

Украина және әлем елдері бұған не дейді

Украина Курск облысындағы операцияны ресми түрде мойындамады. Жалған ақпаратқа қарсы күрес орталығының басшысы Андрей Коваленко Ресей Федерациясының шекараны бақылау туралы мәлімдемелері шындыққа жанаспайды деп айтты. Дегенмен Еурокомиссияның сыртқы саясат мәселелері жөніндегі өкілі Питер Стано Украинаның Ресеймен соғыста өзін қорғауға, атап айтқанда өз аумағындағы агрессорға соққы беру арқылы заңды құқығы бар екенін мәлімдеді.

Америка Құрама Штаттары Курск аймағындағы әскери операция туралы алдын ала білмегенін айтады, бірақ «Украинаның операцияны қалай жүргізетіні туралы шешімді өзі қабылдайды» деп қосты.

Ақпарат көзі: syrboyi.kz
Сурет: ашық дереккөз