Балықтардан өнім алу жұмыстары жүргізілуде
Қазақстан Республикасы Экология, геология және табиғи ресурстар министрлігі Балық шаруашылығы комитетіне қарасты «Қамыстыбас балық питомнигі» республикалық мемлекеттік қазыналық кәсіпорны «Орман шаруашылығы және жануарлар дүниесін басқару, сақтауды және дамытуды қамтамасыз ету» 256-бюджеттік бағдарламасының «Жануарлар дүниесі ресурстарын сақтауды, өсімін молайтуды және ұтымды пайдалануды қамтамасыз ету» 102-кіші бағдарламасы бойынша мемлекеттік тапсырыс шеңберінде тұқы және өсімдікқоректі дөңмаңдай, ақ амур балық шабақтарын жасанды зауыттық әдіспен көбейтіп, Кіші Арал теңізі мен Сырдария өзенінің төменгі жағындағы балық шаруашылығына маңызы бар көлдерді балықтандыру жұмыстарымен айналысады.«Қамыстыбас балық питомнигі» РМҚК 2021 жылғы мемлекеттік тапсырысты орындау үшін 12 мамыр күні балық өсіру маусымының алғашқы кезеңін, яғни зауыттық әдіспен балық өнімін (уылдырығын) алу жұмыстарын бастады. Биылғы жылы жоспар бойынша тұқы және өсімдікқоректі дөңмаңдай, ақ амур балықтарынан 14 800 000 дана біржаздық шабақтар өсіру үшін жалпы аумағы 160,1 гектар құрайтын тоғандарға 49 600 000 дана дернәсіл есептеліп отырғызылады. Қазіргі таңда балықтардан өнім алу және жазғы өсіру тоғандарына дернәсіл отырғызу жұмыстары жүргізілуде. Балықтардан уылдырық алу және тоғандарға отырғызу жұмыстары шілде айына дейін жалғасады.
С.Мырзағазиев,
«Қамыстыбас балық питомнигі» РМҚК директоры
