Толқын Tolqyn.kz ақпараттық агенттігі
» » 1 қазаннан бастап қай жолдар ақылы болады?

1 қазаннан бастап қай жолдар ақылы болады?

«Қазавтожол» ұлттық компаниясы 1 қазанда пайдалануға беруге дайын автокөлік учаскелерін атады, деп жазады Egemen.kz.

Ведомство таратқан ақпаратқа сәйкес, қазір Нұр-Cұлтан – Павлодар, Шымкент – Өзбекстан шекарасы (Ташкентте), Щучинск – Көкшетау учаскелері ақылы жолдардың қатарына қосылуға дайын.

Бұл учаскелер барлық қажетті құралмен жабдықталған. Ал Қапшағай – Талдықорған, Шымкент – Тараз, Тараз – Қайнар, Шымкент – Қызылорда учаскесін пайдалануға беру туралы бұйрықтың жобасы мемлекеттік органдарға келісім беруі үшін жолданған.

Бұл 1 санаттағы жол учаскелерінде ақылы жолды енгізу 2021 жылдың 1 қазанынан тест режимінде, 2021 жылдың 1 қарашасынан бастап нақты пайдалануға беріледі.

«Ақылы учаскелер бойынша жүріп өту үшін төлемақы мөлшері 2013 жылы Нұр-Сұлтан – Щучинск бірінші ақылы учаске енгізілгеннен бері өзгерген жоқ және ол сол қалпында қалады.

ІІ санаттағы жол қозғалысы үшін төлемақы тарифін төмендету жоспарда бар», деп жазылған хабарламада.
19 қыркүйек 2021 ж. 326 0