Қазақстандықтар қазанда қанша күн демалады?

Қазан айында қазақстандықтарды 10 демалыс күні күтіп тұр, деп хабарлайды Egemen.kz.

Бескүндік жұмыс аптасында қазақстандықтар 10 күн демалып, 21 күн жұмыс істейді. Ал аптасына алты күн жұмыс істейтіндерді 5 демалыс пен 26 жұмыс күні күтіп тұр.

2021 жылдың оныншы айында мемлекеттік не ұлттық мереке жоқ. Бірақ демалыс берілмейтін бірқатар мереке бар:

1 қазан - Қарттар күні мен Радио күні;

қазанның бірінші жексенбісі - Мұғалімдер күні;

6 қазан - Қорғаныс өнеркәсібі қызметкерлерінің күні;

10 қазан - Қазақстан кәсіподақ күні;

16 қазан - Нан күні;

19 қазан - Құтқарушылар күні;

қазанның үшінші жексенбісі - Орман шаруашылығы қызметкерлері күні;

29 қазан - Күзет ұйымдары қызметкерлері күні;

қазанның соңғы жексенбісі - Әлеуметтік қорғау жүйесі қызметкерлерінің күні.