Ел Президентінің Жолдауы қоғамда ерекше серпіліс тудырады

Мемлекет басшысы Қасым-Жомарт Тоқаев жаңа ғана парламенттің бірлескен отырысына қатысып, Қазақстан халқына реформалы жолдауын ұсынған болатын. Кемеңгер көшбасшы өз Жолдауында сан саланы қамтып, түсінікті тілмен жеткізе білді. Соған сәйкес “Қарақұм” бастауыш партия ұйымында Жолдау аясында түсіндірме жұмыстарын жүргізіп, партияластырымыздың пікірін білу мақсатында жиын өтті.

Жиында: Президент бұл жолдаудың маңызды екенін атап өтті. Сонымен бірге Қасым-Жомарт Тоқаев: "Өздеріңізбен бірге «Жаңа Қазақстанды» құруға кірістік Бүгінгі Жолдаудың мән-маңызы айрықша. Оның арқалайтын жүгі 1 жылмен шектелмейді, ауқымы кең, мазмұны да бөлек. Біз алдымызға биік мақсаттар қойып отырмыз. Өздеріңізбен бірге Жаңа Қазақстанды құруға кірістік» – деді.

– Президент Жолдауында əлеуметтік-экономикалық жəне отбасылық қатынастар саласындағы мəселелер жауапты мемлекеттік органдар мен жауапты лауазымды тұлғалар жұмысының тиімділігімен бағаланады деп көрсетті. Мемлекет басшысының бұл Жолдауы жаңа Қазақстанды құрудағы ең реформалы кезеңі болады деп есептеймін. Біздің ендігі міндетіміз осы Жолдауда көрсетілген міндеттерді жүзеге асыру жолында аянбай еңбек ету болмақ. – деді өз сөзінде аудандық мәслихат депутаты, “Қарақұм” БПҰ төрайымы Шарбану Жангүшікова.