Толқын Tolqyn.kz ақпараттық агенттігі
» » Қызылордада «Sulpak» сауда үйі өртенді

Қызылордада «Sulpak» сауда үйі өртенді

Қармақшы ауданы, Төретам кентіндегі «Сулпак» сауда үйі өртенді.
Оқиға 6 маусым күні сағат 23:51-де болған. Жалпы ауданы 758,8 шаршы метрді құрайтын сауда үйінің 275 шаршы метр болатын шатыры, төбе жабыны және тұрмыстық заттары толығымен жанды. Өрт сағат 00-ден 53 минут кеткенде оқшауланып, 01 сағаттан 15 минут өткенде толық сөндірілді.
«Қаза болғандар мен зардап шеккендер жоқ. Өрттің шығу себебін анықтау мақсатында өрт сынақ зертхана жұмыстары тағайындалды. Шығыны анықталуда. Оқиға орнында Өрт сөндіру және авариялық-құтқару жұмыстары қызметінен 10 қызметкер, 2 техника, Ресей Федерациясы №70 мамандандырылған өрт сөндіру бөлімінен 13 қызметкер, 4 техника өрт сөндіру жұмыстарын атқарды», деп мәлімдеді Қызылорда облыстық төтенше жағдайлар департаментінің баспасөз қызметі.
kyzylorda-news.kz
07 маусым 2022 ж. 585 0