Жемқорлық-қоғам дерті
Біз мүлде жаңа қоғамда өмір сүріп жатырмыз. Сыбайлас жемқорлықтын жиі бой көрсететін, ең қауіпті түрі парақорлық. Бірінші кезекте пара берудің себептерін, пара алудың жағдайларын түп-тамырын жою үшін қоғам болып белсенділік танытуымыз қажет. Яғни пара беру де, пара алу да пайдалы болмайтындай, улкен қылмыс ретінде саналатындай жағдай, қоғамдық сана қалыптасуы қажет. Парақорлықты алдын алу, жолын кесу, ашу және тергеу жұмыстары жоспарлы түрде жүзеге асырылып келеді.Қазақстан Республикасының «Сыбайлас жемқорлыққа қарсы күрес туралы» Заңына сәйкес, сыбайлас жемқорлықпен күресті барлық мемлекеттік органдар мен онда қызмет атқаратын лауазымды тұлғалар жүргізуі тиіс.
Сыбайлас жемқорлық – заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Бұл кесел дамушы елдердегідей біздің жас мемлекетімізге де орасан зор нұқсан келтіріп отыр.
Сыбайлас жемқорлыққа қарсы тиімді іс-қимыл жасау қай уақытта болмасын кез келген мемлекет үшін өзекті мәселе болды. Осы саладағы жетістіктер дәрежесі елдің әл-ауқаты деңгейін тікелей анықтайды. Елбасының саяси ерік-жігерінің арқасында Қазақстанда сыбайлас жемқорлықты жою бойынша жүйелі жұмыстар жүргізілуде. Әрине, сыбайлас жемқорлық дәрі беріп емдейтін сырқат емес. Ол ұшін бұл ауруға қоғам болып қарсы тұруымыз кажет.
Г. Мурзағұлова,
Арал аудандық жұмыспен қамту, әлеуметтік бағдарламалар және
азаматтық хал актілерін тіркеу бөлімінің бас маманы
