Толқын Tolqyn.kz ақпараттық агенттігі
» » Біздің міндет – халыққа қызмет!

Біздің міндет – халыққа қызмет!

Сапақ ауылдық округі әкімшілігі ғимаратында «Электронды өзіне – өзі қызмет көрсету бұрышы» көп уақыттан бері іске қосылып жұмыс жасап келе жатыр. Егер сіздің үйіңізде дербес компьютеріңіз болмаса, ЭЦҚ-ңыз (электронды-цифрлық қолтаңба) болған жағдайда жақын және алыс аудан орталықтарындағы Халыққа қызмет көрсету орталығына (ЦОН) бармай-ақ ауылдық округ әкімі аппараты ғимаратындағы «Электронды өзіне – өзі қызмет көрсету бұрышы» арқылы электронды қызметтерді алуыңызға болады. Егер өзіңізде ЭЦҚ-ңыз (электронды-цифрлық қолтаңба) болмаған жағдайда өзіңізбен бірге жеке куәлігіңіз және ұялы телефоныңызды алып келу арқылы ЭЦҚ (электронды-цифрлық қолтаңба) аштыра аласыз. Егер сіздің электронды-цифрлық қолтаңбаңыз жеке куәлігіңізде болған жағдайда жеке куәліктегі электронды-цифрлық қолтаңбаны оқитын компьютерде «cardreader» (картридер) орнатылған және жеке куәліктегі электронды-цифрлық қолтаңбаны өзіңіздің жеке флешкаңызға салып алуыңызға болады.
Сапақ ауылдық округі әкімшілігі ғимаратында «Электронды өзіне – өзі қызмет көрсету бұрышы» арқылы төмендегіше әртүрлі мемлекеттік қызмет түрлерін ала аласыз;
1. Бала тууды тіркеу, оның ішінде азаматтық хал актілерінің жазбаларына өзгерістер, толықтырулар мен түзетулер енгізу, 2. Бала туғанда берілетін және бала күтімі бойынша бір жас және бір жолғы бала жәрдемақысын (Халық банктен есеп шотыңыз болуы керек) тағайындау, 3. Мектепке дейінгі ұйымдарға жіберу үшін мектеп жасына дейінгі балаларды (6 жасқа дейін) балабақша кезегіне қою, 4. Қазақстан Республикасының халқын тұрғылықты жері бойынша (1-14 жасқа дейінгі аралықтағы балалардан басқа) мекенжайға тіркеу және шығару, 5. Зейнетақы аударымдары туралы анықтама алу, 6. Сотталғандығы болуы не болмауы туралы анықтама беру, 7. Наркологиялық ұйымнан анықтама беру, 8. Психоневрологиялық ұйымнан анықтама беру тағы басқа көптеген әртүрлі мемлекеттік қызмет түрлерін ала аласыз.
28 наурыз 2024 ж. 220 0