Әбе шаңырағындағы кеш

Кеше қаламыздағы киелі орын Әбдіжәміл Нұрпейісовтің Әдеби үйінде "Наурызнама" бағдарламасына сәйкес "17 наурыз--Мәдениет және салт-дәстүр күніне орай Аудандық білім бөлімінің қызметкері Назгүл Молжігітованың ұйымдастырып жүргізуімен "Халқының салт-дәстүрін қадірлеген, Өлеңнің теңізінен маржан сүзген" атты кештің қонағы болдық. Оған қаламыздағы мектептердің қазақ тілі мен әдебиеті пәнінің ең озат оқушылары қатысты. Ауылдың алты ауызы да болды, қонақкәде де болды.

Оқушылар тарапынан сан түрлі сұрақтар қойылды. Ұлтымыздың қасиетті салт-дәстүрлері туралы әңгімелер өрбітілді, өлеңдер оқылды. Аралдың дарынды балалары үшін жылы көңілді, жақсы, үлгілі шара өтті деп есептедік. Әбе үйінің таза да керемет аясы оқушыларға да, олардың ұстаздарына да, біздерге де ерекше әсер етті деп ойлаймыз.