Конституцияның құрдасы
Әрбір мемлекеттің ең басты құжаты – оның Кониституциясы. Қазақстан Республикасының Конституциясы, яғни Ата Заңы – халқымыздың тәуелсіздігін, елдігін, бірлігін айқындайтын құқықтық негіз болып табылады. Ол тек құқықтық құжат ғана емес, халықтың болашағына деген сенімі мен бірлігінің кепілі. Ата Заңымыз тәуелсіздіктің тұғыры, тұрақтылық тірегі, ел дамуының жолбасшысы, Дәл осы күні елімізде ерекше жандар да бар, олар – Ата Заңмен құрдас азаматтар. Яғни 1995 жылы 30 тамызда дүниеге келген ұл-қыздарымыз бүгінде 30 жасқа толып отыр. Сондай жандардың бірі – біздің оқырманымыз Димаш Есенжанов.
Тәуелсіздікпен бірге ер жеткен Димаш Арал қаласында 1995 жылы 30 тамыз күні дүниеге келген. Демократиялық құндылықтарды бойына сіңірген ол №220 мектептен білім алады.
– Мектеп бітірген соң 2013-2017 жылдар аралығында Ақтөбе қаласындағы С.Бәйішов атындағы Ақтөбе университетінен «Туризм» мамандығын оқып шықтым. Әкем Миллят Садықов 1989 жылдан бастап аудандық обаға қарсы станцияда жұмыс істеп, бүгінде зейнет демалысында. Анам Мария Садықова СЭС-те бас маман қызметінде болған. 2017 жылы отбасын құрдым. Келіншегім Айдана Мақашова 1996 жылы дүниеге келген. Бүгінде бір ұл, бір қызымыз бар, – деді кейіпкеріміз.
Димаштың балалық шағы нарықтық экономикамен, жаңа білім жүйесімен, ақпараттық дәуірмен қатар өрбіді. Сол үшін ол еркін ойлы, жаңашыл, мемлекет дамуына үлес қосуға дайын азамат. Ол 2018 жылдан бастап 2020 жылға дейін Аймақтық әлеуметтік-инновациялық университеттен мамандық алып шығады. Бүгінде Димаш Миллятұлы обаға қарсы күрес станциясында қызмет етіп келеді.
– 1995 жылы қабылданған Ата Заңымыз – мемлекетіміздің тәуелсіздігі мен тұтастығын, бейбіт өмірі мен тұрақтылығын айқындаған басты құжат. Ол – әрбір азаматтың құқығы мен бостандығын қорғап, болашағымыздың берік іргетасына айналды. Бұл мереке – Отанымызға деген құрметтің, заңға деген адалдықтың, елдік бірліктің белгісі. Конституцияны құрметтеу – Қазақстанның жарқын болашағына қызмет ету деген сөз. Баршаңызға зор денсаулық, отбасыларыңызға амандық, елімізге бейбітшілік пен бақ-береке тілеймін. Тәуелсіз Қазақстан мәңгі жасай берсін! – деп, ізгі лебізін білдірді Димаш Есенжанов.
30 жас – әрбір адам үшін кемелдікке қадам басатын кезең. Ал Ата Заң үшін 30 жыл – мемлекет тұрақтылығы мен құқықтық жүйенің орныққанын дәлелдейтін уақыт. Ата Заңның 30 жылдығы – бүкіл елдің мерекесі. Конституциямен құрдас азаматтар сол мерекенің символы секілді. Олардың табысты өмірі еліміздегі тұрақтылықтың, заң үстемдігінің, тең мүмкіндіктердің нақты көрінісі, Димаш Миллятұлын туған күнімен құттықтай отырып, оған зор денсаулық пен табыс тілейміз. Елімізде болашаққа жанашыр жандар көп болғай!
А.НҰРЛАНОВА
Тәуелсіздікпен бірге ер жеткен Димаш Арал қаласында 1995 жылы 30 тамыз күні дүниеге келген. Демократиялық құндылықтарды бойына сіңірген ол №220 мектептен білім алады.
– Мектеп бітірген соң 2013-2017 жылдар аралығында Ақтөбе қаласындағы С.Бәйішов атындағы Ақтөбе университетінен «Туризм» мамандығын оқып шықтым. Әкем Миллят Садықов 1989 жылдан бастап аудандық обаға қарсы станцияда жұмыс істеп, бүгінде зейнет демалысында. Анам Мария Садықова СЭС-те бас маман қызметінде болған. 2017 жылы отбасын құрдым. Келіншегім Айдана Мақашова 1996 жылы дүниеге келген. Бүгінде бір ұл, бір қызымыз бар, – деді кейіпкеріміз.
Димаштың балалық шағы нарықтық экономикамен, жаңа білім жүйесімен, ақпараттық дәуірмен қатар өрбіді. Сол үшін ол еркін ойлы, жаңашыл, мемлекет дамуына үлес қосуға дайын азамат. Ол 2018 жылдан бастап 2020 жылға дейін Аймақтық әлеуметтік-инновациялық университеттен мамандық алып шығады. Бүгінде Димаш Миллятұлы обаға қарсы күрес станциясында қызмет етіп келеді.
– 1995 жылы қабылданған Ата Заңымыз – мемлекетіміздің тәуелсіздігі мен тұтастығын, бейбіт өмірі мен тұрақтылығын айқындаған басты құжат. Ол – әрбір азаматтың құқығы мен бостандығын қорғап, болашағымыздың берік іргетасына айналды. Бұл мереке – Отанымызға деген құрметтің, заңға деген адалдықтың, елдік бірліктің белгісі. Конституцияны құрметтеу – Қазақстанның жарқын болашағына қызмет ету деген сөз. Баршаңызға зор денсаулық, отбасыларыңызға амандық, елімізге бейбітшілік пен бақ-береке тілеймін. Тәуелсіз Қазақстан мәңгі жасай берсін! – деп, ізгі лебізін білдірді Димаш Есенжанов.
30 жас – әрбір адам үшін кемелдікке қадам басатын кезең. Ал Ата Заң үшін 30 жыл – мемлекет тұрақтылығы мен құқықтық жүйенің орныққанын дәлелдейтін уақыт. Ата Заңның 30 жылдығы – бүкіл елдің мерекесі. Конституциямен құрдас азаматтар сол мерекенің символы секілді. Олардың табысты өмірі еліміздегі тұрақтылықтың, заң үстемдігінің, тең мүмкіндіктердің нақты көрінісі, Димаш Миллятұлын туған күнімен құттықтай отырып, оған зор денсаулық пен табыс тілейміз. Елімізде болашаққа жанашыр жандар көп болғай!
А.НҰРЛАНОВА
