ЗАҢНАМАҒА ЕНГІЗІЛГЕН ӨЗГЕРІСТЕР БОЙЫНША ТҮСІНДІРМЕ ЖҰМЫСТАРЫ ЖҮРГІЗІЛДІ

Бүгін «Руханият» орталығында 2025 жылғы 16 шілдедегі Мемлекет басшысы қол қойған «Қазақстан Республикасының кейбір заңнамалық актілеріне Қазақстан Республикасының қылмыстық заңнамасын оңтайландыру мәселелері бойынша өзгерістер мен толықтырулар енгізу туралы» Заң жөнінде ауыл әкімдері, мемлекеттік қызметшілер мен тұрғындарға түсіндірме жұмыстары жүргізілді.

Шараға аудан әкімі аппаратының Мемлекеттік құқықтық жұмыстар бөлімінің басшысы Ж.Қуатов, аудандық прокуратураның прокуроры Н.Зыяу, аудандық полиция бөлімі бастығының бірінші орынбасары Б.Құдайберген қатысып, тиісті салалар бойынша заңнамаға енгізілген өзгерістерді баяндады.

Заңға енгізілген түзетулер қылмыстық заңнаманы жетілдіруді және кейбір қоғамдық қауіпті әрекеттер үшін жауапкершілікті арттыруды көздейді. Сонымен қатар, қылмыстық процесте азаматтардың құқықтарын қорғауды күшейтуге, қылмыстық процесті оңтайландыруға бағытталған.

Жиын соңында шараға қатысушылар көкейде жүрген сұрақтарын қойып, толыққанды мәліметтер алды.