Аудан прокуроры жаңа заңдарды түсіндірді
Арал ауданының прокуроры Тәженов Асхат Бейсенбайұлы Қазақстан Республикасының Қылмыстық кодексiне енгізілген өзгерістер мен толықтыруларға түсіндірме жүргізу мақсатында ауданға қарасты Сазды, Октябрь және Қарақұм ауылдық округтерінің халқымен кездесу өткізді. Кездесу барысында аудан прокуроры тұрғындарға 27.12.2019 жылы қабылданған Қазақстан Республикасының кейбір заңнамалық актілеріне, қылмыстық, қылмыстық-процестік заңнаманы жетілдіру және жеке адамдардың құқықтарының қорғалуын күшейту мәселелері бойынша өзгерістер мен толықтырулар енгізу туралы жаңа заңның нормаларына түсіндірме жұмыстарын жүргізді.Атап өту қажет, аталған жаңа заңға сәйкес қылмыстың кейбір түрлерінің жазалары қатаңдатылған. Оның ішінде зорлау қылмыстары, көлік құралдарын мас күйде басқару, браконьерлік, есіртікі заттарының заңсыз айналымы және мал ұрлығы өз алдына жеке дара бап ретінде енгізіліп отыр.
Осы бағыттағы кездесулер алдағы күндері бекітілген кестеге сәйкес барлық кент және ауылдық округтерінде, еңбек ұжымдарында ұйымдастырылатын болады.
