"Ұра берсең, ұлың сенің жасқанады": Әзілкеш балаларды ержүрек етіп тәрбиелеуге шақырды
Белгілі өнер иесі Нұрболхан Шәріпов бала тәрбиесі туралы желідегі парақшасында жазып, жұртқа кеңес берген. Бір ақынның өлеңі арқылы мысал келтірген ол перзенттің ержүрек, адал, намысшыл болып өсуіне ықпал ететін дүниелерге тоқталған. Бала тәрбиесінде ақыл мен парасаттың маңыздылығын ерекше атап өткен Нұрболхан Шәріпов ұрпағыңның қандай болғанын қаласаң, соған сәйкес тәрбие бер дейді."Ұра берсең,Ұлың сенiң - жасқанады,
Жасқаншақты - басынады басқалары.
Қол көтермей - тәрбиелесең ақыл айтып,
Ақылымен, ертең елдi басқарады.
Ала бiлсiн, өмiрiнен бар тынысты,
Үйрете түс:
Сабыр, Шыдам, Талпынысты.
Ең бастысы - иманына көңiл бөлгiн,
Өссiн десең, өз ұрпағың жарқын, күштi...
Еңбегiмен, жүрсiн ұлың баға алып,
Ақыл-оймен, өзгелерден дараланып.
Көтерiлсе өзiндейдi бағалайды,
Отырмайды: пара берiп, пара алып..." - деп жазды Нұрболхан Шәріпов.
