"Қазіргі балаларды таңқалдыра алмайсың": Бүркіт бала күнгі оқиғасын бөлісіп, жұртты күлдірді
Белгілі әнші желідегі парақшасында отбасымен түскен суретін жүктеп бала күнгі қуанышы туралы айтып берді. Көп ешкімде жоқ ақ аяқ киімді алып, төбесі көкке жеткенше қуанғанын еске түсірген өнер иесі өміріндегі ұмытылмайтын сәтті осылайша оқырмандарымен бөліскен."Үшінші сыныпта оқып жүргенімде, анам маған аппақ кроссовки әперді! Сол күн неге екенін білмеймін, ұмытылмайды мен үшін! Аппағына қызығып, содан бері ақ аяқ киімді жақсы көретін болдым. Ол кезде аяқ киімнің үш түрі бар. Қоңыр, ақ және қара. Бұл әңгіменің суретке еш қатысы жоқ", - деп жазды Бүркіт.Өнер иесінің жазбасын көрген жұрт күлкіге қарық болды. Олар Бүркіттің оқиғасын оқып, пікірлерін жаудырды. Тыңдармандардың кейбіреуі өзінің балалық шағына да саяхат жасаған.
"Жақсы күндерді еске алып тұрған жақсы ғой", "Қазір де сәнде ақ аяқ киімдер. Оларға қарасам, бала күнім есіме түседі", "Бала күнгі суретіңізде жақсы киініп алғансыз", "Қазіргі балаларды ондай нәрсемен таңқалдыра алмаймыз", - десті жұрт.
