"Ғашықпын": Нұрболат Абдуллин кімге еркелегенді жақсы көретінін айтты
Бүгінде қазақ эстрадасында хит әндерімен кең танылған Нұрболат Абдуллинннің әнге қызығушылығы ерте жастан-ақ басталған екен. Қарапайым ауылдың баласы ең алғаш қандай ән орындағаны туралы айтып, өткенін есіне түсірді ол. Әншінің музыкаға деген махаббатын оятқан микрафон екен."Әнге деген ынтам болды. Алғашында өнерлі болған өзімнің анам. Ең бірінші рет 1-сыныбымда "Мұғалім" деген әнді айтып шыққанмын. Өнерге қызығушылығымды оятқан микрафон шығар деп ойлаймын", - дейді Нұрболат Абдуллин.Өнерді әріптестеріне қарағанда басқаша бағалайтын Нұрболат Абдуллин өзін халықтың еркесімін деп таныстырды. Тәлімгері туралы айтып, ағынан жарылған өнер иесі қазаққа қарыздармын деп алғыс айтқан. Тіпті Нұрболат Абдуллин кімге ғашық екенін де жасырмайтынын жеткізді.
"Өнерге, көрерменге, халыққа ғашықпын. Халықтың арасында еркелеп жүргенді жақсы көремін. Өнер деген тек ән айтудан, бейнебаян, кинодан тұрмауы керек. Ол үлкен, ауқымды дүние. Мені тәрбиелеп жатқан қазақ өнері. Мен қазаққа қарыздармын", - дейді өнер иесі.
