"Ұзақ жол": Мәдина Сәдуақасова ұлын сүндетке отырғызды
Өнер иесі желідегі парақшасына отбасымен түскен суретін жүктеп, қуанышты жаңалығымен бөліскен. Тұңғышы Әнуарды сүндетке отырғызып, ата-ана ретінде мұсылмандық парызымызды өтедік дейді өнер иесі. Осылайша, Мәдина Сәдуақасова ұлын мұсылман болуымен шын жүректен құттықтап, ақ тілегін ақтарған."Биссмиллә деп, тула бойы тұңғышымызды сүндетке отырғыздық. Мұсылмандық – бұл міндет,Құтты болсын бұл сүндет.
Өмір жолы – ұзақ жол,
Ұзақ жолда талмағын.
Еңбек, өнер, ғылымда,
Қатарыңнан қалмағын,
Биік болсын талғамың.
Халқың сыйлар адам бол,
Орындалсын арманың", - деп жазды өнер иесі желідегі парақшасына.
Өнер иесінің жазбасын көрген желідегілер де қалыс қалмай, жарыса пікір жазған. Олар әншіні құттықтап, ұлына ұзақ ғұмыр тіледі.
"Құтты болсын, Мәдинаш! Үлкен азамат болсын", "Бәрінен қатты Әнуар қуанып тұр ғой", "Балапаның өсе берсін", "Әдемі қазақтың келіні болады екенсің", "Атқа мінеріңіз үлкен азамат болсын", - деп пікір қалдырды олар.
