Толқын Tolqyn.kz ақпараттық агенттігі
» » "Атамның қасында шай ішіп отырғандай": Димаш белгілі композиторды жер көкке сыйғызбай мақтады

"Атамның қасында шай ішіп отырғандай": Димаш белгілі композиторды жер көкке сыйғызбай мақтады

Бүгінде "Шабыт" университетінде композитор мамандығы бойынша Кеңес Дүйсекеевтің сыныбында білім алып жүрген Димаш Құдайберген өнер иесін ерекше бағалайтынын айтты. Сырт көзге қатал көрінгенімен, композитор жақын танысаң жүрегіңнің ішіне еніп, ішкі сезіміңді ақтара алады дейді. Тіпті Димаш ұстазын атасына теңеген."Бір қарағанда Кеңес ағамыздың бет-әлпеті сәл сұстылау көрінеді, кәдімгідей мысы басады. Бірақ, сыныпта өте қарапайым. Құдды бір атамның қасында шай ішіп отырғандай сезімде боламын. Ол кісі тек қана менің кәсіби біліктілігімді арттырып жатқан майталман есебінде ғана емес, рухани құндылықты жасөспірімдерге дәріптеп жатқан тұлға деп білемін", - дейді өнер иесі.
Сонымен қатар, Димаш Құдайберген мамандық таңдағанда, өмірлік бағытыңды айқындағанда жүрегіңді тыңдап, балалық арманыңды есіңе ал деп кеңес берді. Өзін әлемдегі ең бақытты жан санайтын әнші әр күніне шүкіршілік ететінін жасырмады.
"Мамандық таңдайтын сәтте артқа шегініп, бала кезімде нені армандадым деп ойлау керек. Себебі, бала тілегі, бала арманы ешқашан адамды адастырмайды. Мен өзімді өте бақытты жан санаймын. Осы күніме шүкіршілік етемін", - дейді Димаш Құдайберген.
03 шілде 2019 ж. 778 0