Балаларды рұқсатсыз суретке түсірген азаматқа айып тағылды
АСТАНА. ҚазАқпарат - Шымкент тұрғыны белгісіз адамды кішкентай қыздарын заңсыз суретке түсірді деп айыптады, деп хабарлайды ҚазАқпарат ҚР Ұлттық ұланының баспасөз қызметіне сілтеме жасап. «Кеше кешкісін сағат шамамен 20-45-те Шымкент қаласының Еңбекші ауданының Уәлиханов көшесі бойынша қоғамдық тәртіпті қорғау қызметін атқарып жүрген шолғыншы топтың бастығы, ефрейтор Бекзат Мамановға бір азаматша сыртқы келбеті еуропалыққа ұқсас белгісіз адамды табуға көмектесуін өтінген. Әйелдің айтуынша, көпқабатты тұрғын үйдің кіре берісінде, өзі жоқ кезде 25-30 жас аралығындағы үстіне ашық түсті күртеше келген жігіт оның 6 жастағы егіз қыздарына келген. Ол күш қолданбай кішкентай қыздарды көндіріп, одан кейін планшетіне суретке түсіріп алған», - делінген таратылған ақпаратта.
Шолғыншы топтың бастығы бағыттаманы алғаннан кейін, жауынгерлік барлық кезекшілерге оны жіберіп, күдіктіні іздеуге кіріскен. Бір сағаттан кейін қатардағы шолғыншылар Бекжан Ыбыраев пен Әнуар Таңатаров бағыттамада көрсетілген адамды ұстады.
