Құмар ойын ұйымдастырған бойжеткенге сот қомақты айыппұл салды

Арал аудандық сотында ҚР ӘҚБтК-нің 444-бабының 1-бөлігімен 1997 жылы туылған азаматша Ж-ға қатысты әкімшілік іс қаралды.Әкімшілік құқық бұзушылық туралы хаттамаға сәйкес, азаматша Ж. ағымдағы жылдың 18 қазанында сағат 21.13 шамасында ғимарат ішінде арнайы рұқсатсыз «Кено» құмар ойындарына (өзге де жарыстарға) ставка қабылдаған.
Сот отырысында құқық бұзушының құқық бұзушылық әрекеті, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген.
Сот қаулысымен азаматша Ж. Қазақстан Республикасының ӘҚБтК-нің 444-бабының 1-бөлігімен кінәлі деп танылып, әкімшілік құқық бұзушылық жасау заттарын тәркілей отыра, мемлекет пайдасына 336 700 теңге көлемінде айыппұл төлеу түріндегі әкімшілік жауапкершілікке тартылды.

Арал аудандық сотының
баспасөз қызметі