Толқын Арал аудандық қоғамдық-саяси газет
» » Тоқаев қаза болған қорықшыны І дәрежелі "Айбын" орденімен марапаттады

Тоқаев қаза болған қорықшыны І дәрежелі "Айбын" орденімен марапаттады

Қазақстан президенті браконьерлердің шабуылына ұшыраған «Охотзоопром» инспекторларына мемлекеттік наградалар беру туралы жарлыққа қол қойды, деп Ақорданың баспасөз қызметі хабарлады.Қаза болған қорықшы Қаныш Нұртазинов өлімінен кейін марапатталады.
"Өз міндетінде көрсетілген батылдық пен адалдық үшін:
І дәрежелі «Айбын» орденімен экология, геология және табиғи ресурстар министрлігі Орман шаруашылығы және жануарлар дүниесі комитетінің «Охотзоопром» РМҚК орталық аймақтық филиалының инспекторы Нуртазинов Қаныш Серікұлын (қайтыс болғаннан кейін) марапаттауға;
ІІ дәрежелі «Айбын» орденімен экология, геология және табиғи ресурстар министрлігі орман шаруашылығы және жануарлар дүниесі комитетінің «Охотзоопром» РМҚК орталық аймақтық филиалының инспекторы Оспанов Самат Көшбергенұлын марапаттауға шешім қабылдаймын", - делінген мәтінде.
Осы Жарлық қол қойылған күнінен бастап күшіне енеді.
Қайғылы оқиға 23 шілдеде Бірсуат ауылында болды. Ақмола облысында браконьерлер қолынан жараланған инспектордың бірі көз жұмды. Екінші жараланған инспектор ауруханада жатыр. 
https://stan.kz
25 шілде 2019 ж. 400 0