Ресейлік алаяқтар қазақстандықтардың шотынан 200 млн теңге ұрлады
Ресейлік алаяқтар қазақстандық банктік шоттарға қол жеткізу үшін Интернеттегі жарнаманы пайдаланған. Осылайша 200 миллион теңгені ұрлаған. Бұл туралы Мәжілісте ішкі істер вице-министрі Марат Қожаев мәлімдеді деп хабарлайды KAZ.NUR.KZ.Атап айтқанда, алаяқтық жолмен және ақпараттық технолгияларды пайдалану арқылы банк шоттарынан қазақстандықтардың ақшасы жымқырылған.
Олар желідегі жалған жарнамалық мүмкіндіктерді пайдалана отырып, біздің азаматтардың шоттарына қол жеткізіп жүрген. Осы орайда электронды тәсілдермен қазақстандықтардың ақшасын Ресей аумағына аударған, шамамен 200 миллионға жуық."42 қылмысқа тоқталсақ, шынымен де Қазақстанның ішкі істер министрлігі тарапынан Ресей аумағында жасалған қылмыстық іс тергеп жатыр. Бұл қылмысқа күдікті алаяқтар анықталмай жатыр.
Оның айтуынша, бұл бағыттағы рәсімдер бірнеше айға созылуда.Менің білуімше, бұл қаржы Мәскеу, Санк-Петербор, Уфа және бірнеше қаланың аумағанды шығарылып алынды. Біз Минск конвенциясына сәйкес, банктерде ақшаны шығарып алған адамдарға қатысты видеоны ұсыну туралы сауал жолдадық", - деді Марат Қожаев.
"Келісу рәсімдері біздің органдар арасында өткенше, кейін Қазақстанның бас прокуратурасы арқылы, сондан кейін Ресейдің бас прокуратурасынан өткізілгенше, яғни бұл атқарылатын жұмыстар шамамен екі айға жалғасады. Өздеріңіз білесіздер, осы уақыт ішінде видео материалдарды сақтау мерзімі өтіп кетеді.
Қазіргі кезде кейбір фактілер бойынша қажетті видео-жазбалар сақталмағаны хабарланды. Сондықтан бүгін Мәжілісте қаралған құжат осы тектес мәселелерге жедел әрекет етуге мүмкіндік береді", - деді М. Қожаев.
